O‘zbekistonga tezyurar Talgo-250 poyezdi yetkazildi

Rossiyaning "RJD Logistika" kompaniyasi ("RJD" kompaniyasi sho‘'ba korxonasi) individual ishlab chiqqan texnologiyasi bo‘yicha O‘zbekistonga tezyurar Talgo-250 poyezdini yetkazib berdi.

Poyezd va maxsus tarkib Sankt-Peterburgdagi stansiyadan 28 fevralda kechki vaqt yo‘lga tushib, O‘zbekiston temir yo‘lining O‘rtaovul stansiyasiga 4 mart kuni yetib kelgan. Yo‘lga ketgan vaqt 4 kunni tashkil qilgan. Ushbu poyezd Sankt-Peterburg portiga Ispaniyaning Bilbao portidan dengiz tashuvchisi orqali yetkazilgan va bunga 8 kun ketgan.

Talgo-250 o‘z o‘qlarida, biroq elektr tarmoqqa ulanmagan holda, ya'ni o‘chirib qo‘yilgan tormozlar bilan tashilgan. Poyezdga harakatni lokomotiv ta'minlagan, uni tormozlash uchun poyezdning boshida va oxirida joylashgan motor-vagon tarkibi qo‘llangan. Poyezdning tashqi ko‘rinishiga shikast yetmasligi uchun u karton bilan qoplab chiqilgan. Tashish jarayonini O‘zbekiston, Rossiya va Ispaniyadan texniklar va hamrohlik qiluvchi xodimlar brigadasi nazorat qilib borgan.  

2017 yil aprelda ikkinchi Talgo‑250 poyezdi ham xuddi shu yo‘l bilan olib kelinishi kutilmoqda.