Britaniyada qidiruvdagi havfli jinoyatchilardan biri shkaf ortidan topildi

Buyuk Britaniya politsiyasi o‘ta havfli jinoyatchi deb sanalgan va eng ko‘p qidirilgan shaxsni topishga muvaffaq bo‘ldi. Tintuv vaqtida jinoyatchi shkaf orqasiga yashirinib olgani ma'lum bo‘ldi. 

Ismi va familiyasi oshkor etilmayotgan jinoyatchi Slovakiyada "bir nechta jiddiy jinsiy zo‘ravonlikni sodir etganlikda" shubha ostiga olinib, xalqaro miqyosda qidiruvda bo‘lgan. U Slovakiyada javobgarlikdan qochib, Angliyaning Bradford shahrida yashirinib yurgan.

Mahalliy politsiyachilar surishtiruvlar davomida jinoyatchi berkinishi mumkin bo‘lgan 4 ta manzilni kuzatuvga olgan. Faqatgina oxirgi manzilda ular jinoyatchini hibsga olishga muvaffaq bo‘lishgan. Endilikda, politsiya mazkur shaxs o‘z yurtiga deportatsiya qilinishi va o‘sha yerda javobgarlikka tortilishini oshkor etmoqda.