Nike musulmon ayol sportchilar uchun Pro Hijab liboslarini ishlab chiqaradi

Sport kiyimlari va aksessuarlari brendi bo‘lmish Nike kompaniyasi aholisi musulmon diniga e'tiqod qiluvchi davlatlarning sportchi ayollari uchun maxsus sport hijoblari ishlab chiqarishni rejalashtirgan.

Ma'lum qilinishicha, kompaniya 1 yil davomida musulmon mamlakatlarning taniqli sportchi ayollari yordamida namunaviy hijoblarni sinovdan o‘tkazgan. Mahsulot dizaynida aynan ularning maslahatlari hisobga olingan.

Sportchilar bunday mahsulot ishlab chiqarilishini anchadan buyon kutishayotgani bildirilgan. Bunday liboslar keyingi yil boshida sotuvga chiqarilishi aytilgan.

Ekspertlar Nike terining erkin nafas olishiga imkon beruvchi mato ixtiro qilganini ta'kidlashgan.