Yaman qirg‘oqlari yaqinida somalilik qochqinlar kemasiga aviazarba berildi

Somalilik qochqinlar mingan kemaga Yaman qirg‘oqlari yaqinida vertolyot orqali aviazarba berildi. Frans Press ma'lumotiga ko‘ra, ushbu hujum oqibatida halok bo‘lganlar soni 42 nafarni tashkil qilmoqda.

"42 kishining jasadi topildi", deya ma'lum qilgan Migratsiya bo‘yicha xalqaro agentlik vakili Joel Millman.

Bundan oldinroq Reyter agentligi Yamandan Sudanga yo‘l olgan qochqinlar hujumga uchragani ma'lum qilingandi. Kemaga noma'lum shaxslar Bob-al-Mandeb bo‘g‘ozi yaqinida Apache vertolyotidan zarba yo‘llagan.