Husni Muborakning uyiga qaytgani tasdiqlanmadi

Misrning sobiq prezidenti Husni Muborakning advokati Farid ad-Dib o‘z himoyasidagi siyosatchining Qohiradagi harbiy gospitaldan chiqib, uyiga qaytgani haqidagi xabarni tasdiqlamadi. Bu haqda TASS agentligi xabar tarqatgan.

«Yo‘q, Muborak hali klinikani tark etmadi, u uyiga qaytmagan. OAVda shu haqda tarqatilgan ma'lumot asosli emas. Bunday xabarlar avval ham tarqatilgan, bu odatdagi dezinformatsiya», — degan advokat.

U Husni Muborakka gospitaldan qachon javob berilishi ma'lum emasligini bildirgan.

Bundan avvalroq Youm7 nashri Muborakning oilasiga yaqin manbaga asoslangan holda uning uyiga qaytib kelgani haqida xabar tarqatgandi.