Nyu-York metrosidagi holat ko‘pchilikning hayrati va g‘azabiga sabab bo‘ldi

Internet tarmoqlarida o‘rta yoshli ayolning Nyu-York metrosi vagoni eshiklariga boshi tiqilib qolgani va yo‘lovchilarning bu voqeaga mutlaqo befarq munosabatda bo‘lgani ko‘rsatilgan video virus kabi tarqaldi. 

Mazkur video Instagram ijtimoiy tarmog‘iga theshaderoom nomli foydalanuvchi tomonidan joylashtirilgan bo‘lib, aftidan, u metroning boshqa bir vagonidan tasvirga olingan.

Videoda besh kishining ayol yonidan o‘tganini ko‘rish mumkin, biroq ulardan birortasi ayolga yordam berish u yoqda tursin, qadamini ham sekinlatmagan. 

Ayolga yordam berilgani va uning jarohat olgan yo olmagani haqida ma'lumotlar yo‘q.