Xitoy janubi-g‘arbida avtobus daryoga qulashi insonlar o‘limiga sabab bo‘ldi

Xitoyning janubi-g‘arbiy Guychjou viloyatida yo‘lovchi avtobusi daryoga qulab tushishi oqibatida 10 kishi hayotdan ko‘z yumdi. Sinxua agentligi mahalliy hokimiyatga tayangan holda shu haqda xabar qilmoqda. 

Hodisa ertalab 8:30da Guyyan shahar okrugining Kayyan muzofotida ro‘y bergan. Avtobus ko‘prikdan o‘tayotgan vaqtda daryoga qulagan. 

Ta'kidlanishicha, 4 kishi bedarak yo‘qolgan deb hisoblanmoqda. Fojia joyida qidiruv-qutqaruv ishlari olib borilmoqda, hodisa sabablari o‘rganilmoqda.