Хитой жануби-ғарбида автобус дарёга қулаши инсонлар ўлимига сабаб бўлди

Хитойнинг жануби-ғарбий Гуйчжоу вилоятида йўловчи автобуси дарёга қулаб тушиши оқибатида 10 киши ҳаётдан кўз юмди. Синьхуа агентлиги маҳаллий ҳокимиятга таянган ҳолда шу ҳақда хабар қилмоқда. 

Ҳодиса эрталаб 8:30да Гуйян шаҳар округининг Кайян музофотида рўй берган. Автобус кўприкдан ўтаётган вақтда дарёга қулаган. 

Таъкидланишича, 4 киши бедарак йўқолган деб ҳисобланмоқда. Фожиа жойида қидирув-қутқарув ишлари олиб борилмоқда, ҳодиса сабаблари ўрганилмоқда.