Olmaota metrosida bomba qo‘yilganini ma'lum qilgan kishi shaxsi aniqlandi
Olmaota politsiyasi Olmaota metrosida go‘yoki bomba qo‘yilganini ma'lum qilgan kishining shaxsini aniqladi. Bu kimsa Sarqand shahrida yashovchi balog‘atga yetmagan o‘smir bo‘lib chiqqan.
24 aprel kechki payt metroda bomba qo‘yilgani haqidagi anonim qo‘ng‘iroqdan keyin metrodan yo‘lovchilar evakuatsiya qilingan. Portlovchi qurilma aniqlanmagan.
"Ichki ishlar idoralari hamda Olmaota shahri va viloyati maxsus xizmatlarining birgalikdagi sa'y-harakatlari bilan bomba haqida ma'lum qilgan balog‘atga yetmagan o‘smir shaxsi aniqlandi. U yuqoridagi qonunga xilof harakatni bezorilik niyatida amalga oshirgan", deb aytildi xabarda.
Ichki ishlar idoralarida ma'lum qilinishicha, sudgacha tergov davomida terakt haqida yolg‘on xabar berish holati bo‘yicha buni amalga oshirgan kimsaning harakatlariga huquqiy baho beriladi va uning aybdorlik darajasi belgilanadi.
Mavzuga oid
22:56 / 09.08.2024
Qozog‘iston IIV sobiq rahbariga 5 yil muddatga shartli qamoq jazosi tayinlandi
20:56 / 11.06.2024
Qozog‘istonda prezident qarorgohiga hujum qilganlar turli muddatga qamaldi
13:32 / 10.06.2024
Olmaotada 27 nafar o‘zbekistonlik qo‘lga olindi
13:11 / 08.06.2024