Rossiya va Qirg‘iziston prezidentlari o‘zaro hamkorlikni muhokama qilishdi

Rossiya prezidenti Vladimir Putin va Qirg‘iziston prezidenti Almazbek Atambayev telefon orqali suhbatda siyosiy va savdo-iqtisodiy sohalardagi ikki tomonlama hamkorlik masalalarini muhokama qilishdi. Bu haqda Kreml matbuot xizmati ma'lum qildi.

"Qirg‘iziston tomoni tashabbusi bilan Rossiya prezidenti Vladimir Putin va Qirg‘iziston prezidenti Almazbek Atambayev o‘rtasida telefon muloqoti bo‘lib o‘tdi. Muloqot chog‘ida siyosiy va savdo-iqtisodiy sohalardagi ikki tomonlama hamkorlikning bir qator dolzarb masalalari muhokama qilindi", deb aytildi xabarda. 

Avvalroq Qirg‘iziston moliya vazirligi boshqarma boshlig‘i Bakit Sidikov Qirg‘iziston Rossiya oldidagi 240 mln dollarlik qarzi kechib yuborilishiga umid qilayotganini aytgandi. Tegishli kelishuvlar Rossiya tomondan ishlab chiqilmoqda.