Kubada halokatga uchragan samolyot harbiylarni olib ketayotgan bo‘lgan

29 aprelda Kubada Aerogaviota aviakompaniyasining 39 yo‘lovchisi bo‘lgan An-26 samolyoti halokatga uchragani ma'lum qilingandi. Biroq keyinroq samolyot yo‘lovchi samolyoti emas, balki harbiylarga tegishli bo‘lgani va unda Kuba inqilobiy qurolli kuchlarining 8  harbiysi ketayotgani aniqlandi. 

Samolyot Artemis viloyatida toqqa urilishi oqibatida uning bortidagi barcha 8 kishi, jumladan ekipaj a'zolari halok bo‘ldilar. Samolyot bo‘laklari Gavanadan 80 km uzoqlikda joylashgan Las-Lomas-de-San-Kristobal sayyohlik zonasida aniqlandi.

"29 aprel ertalab fojiala voqea yuz berdi, inqilobiy qurolli kuchlarga tegishli bo‘lgan va Playya Barakoa aeroportidan soat 6.38da parvoz qilgan An-26 samolyoti Artemis viloyatida falokatga uchradi", deb ma'lum qilindi mudofaa vazirligida.   

Halokat yuz berganini Aerogaviota aviakompaniyasi ham tasdiqladi. Uning vakili samolyot bortidagi biror odam ham omon qolmaganini ma'lum qildi.