Ayblov tomoni sudda Ukraina sobiq prezidenti Viktor Yanukovichga davlatga xiyonat ishi bo‘yicha oliy jazo – umrbod qamoq jazosini talab qiladi, deb xabar bermoqda RIA «Novosti».
Bu haqda prokuror Viktor Kravchenko brifingda ma'lum qildi.
«Eng oliy jazo – bu umrbod qamoqdir. Ayblanuvchi va gumonlanuvchi Yanukovich sudga qadar tergov vaqtida o‘z aybini tan olmagani tufayli, ayblov tomoni faqatgina oliy jazoni talab qiladi», - dedi Kravchenko.
Avvalroq Kiyev shahrining Obolon tuman sudi Ukraina sobiq prezidenti Viktor Yanukovichga davlatga xiyonat ishi bo‘yicha dastlabki yig‘ilishda videoaloqa rejimida ishtirok etishga ruxsat berdi.