Konte «Chelsi»da qolishi shartini ma'lum qildi

«Chelsi» jamoasi bosh murabbiyi Antonio Konte jamoa bilan faqat bir shart bilan shartnomani uzaytirishi mumkin.

The Telegraph xabariga ko‘ra, italiyalik murabbiy o‘ziga yordamchi tanlamoqchi. Qayd etish kerakki, uning hozirgi yordamchisi Stiv Holland mavsum yakunlangach Angliya terma jamoasida ish boshlaydi.

Bundan oldingi xabarlarda ushbu mutaxassisni «Inter» yiliga 15 million yevro to‘lashni nazarda tutuvchi shartnoma taklif etish orqali o‘ziga jalb qilib olmoqchi bo‘layotgani aytilgandi. Unga shuningdek «Barselona» jamoasidan qiziqish mavjud.

Ayni vaqtda London jamoasi APLning 35 turidan keyin 84 ochko jamg‘argan holda turnir jadvalida peshqadamlik qilmoqda.