Boks: Fazliddin G‘oibnazarov Nyu-Yorkda jang o‘tkazadi

O‘zbekistonlik professional bokschi Fazliddin G‘oibnazarov 20 may kuni Nyu-York (AQSh)dagi Madison Square Garden arenasida «Krouford — Dias» shousi doirasida navbatdagi jangini o‘tkazadi. Bu haqda Top Rank promouterlik kompaniyasi matbuot xizmati xabar bergan.

2016 yilgi Olimpiya o‘yinlarining g‘olibi 25 yoshli Fazliddin G‘oibnazarov (1−0−0, 1 nokaut) 26 yoshli amerikalik sportchi Agustin Maurasga (6−2−3, 3 nokaut) qarshi ringga ko‘tariladi. 

Kecha bokschilar tarozidan o‘tish marosimida ishtirok etishdi. 

Eslatib o‘tamiz, Fazliddin G‘oibnazarov aprel oyida bo‘lib o‘tgan ilk jangida amerikalik Viktor Vaskesni ikkinchi raundda texnik nokautga uchratgandi.