Toshkentda YTH tufayli “Spark” haydovchisi vafot etdi

Toshkent shahrida yuz bergan YTH oqibatida haydovchi vafot etdi, deb xabar bermoqda poytaxt Ichki ishlar bosh boshqarmasi.

Ma'lum bo‘lishicha, 2017 yil 20 may kuni soat taxminan 11:30 da, haydovchi “Erkinov” (ma'lumotlari o‘zgartirilgan) “Spark” rusumli avtoulovni Toshkent shahar, Shayxontohur tumani, Mannon Uyg‘ur ko‘chasi bo‘ylab boshqarib kelib, belgilangan tezlikni oshirishi natijasida boshqaruvni yo‘qotgan holda, yo‘l chetiga chiqib ketib, avtoulovni beton ariqqa urgan. 

Yo‘l-transport hodisasida olingan tan jarohatlari natijasida “Spark” avtoulovi haydovchisi shifoxonaga olib borishda vafot etgan.

Hozirda mazkur holat yuzasidan tergov oldi surishtiruv harakatlari olib borilmoqda.