Afg‘onistonda IShID jangarilari rejalashtirgan qator teraktlarning oldi olindi
Afg‘oniston xavfsizlik kuchlari IShID terrorchilik guruhi jangarilari tomonidan mamlakat sharqidagi Nangarxor viloyatida rejalashtirilgan qator teraktlar seriyasining oldini olishdi. Bu haqda Khaama Press agentligi xabar bergan.
Viloyat gubernatorining xabar berishicha, jangarilar xudkush terrorchilar yordamida hukumat muassasalari, shuningdek, Jalolobod shahridagi xavfsizlik kuchlariga hujum qilishni rejalashtirgan.
Avvalroq Afg‘oniston maxsus xizmatlari Nangarxor viloyatida payshanba kuni olti nafar xudkush terrorchini qo‘lga olgani xabar qilingandi.
Kobulda esa kuchli portlash chorshanba kuni ertalab prezidentlik saroyi va xorijiy elchixonalar binolaridan uncha uzoq bo‘lmagan yerda ro‘y berdi. So‘nggi ma'lumotlarga ko‘ra, hodisa oqibatida 100 kishi halok bo‘ldi, 600 nafar inson jabrlandi. IShID terrorchilik guruhi portlash uchun mas'uliyatni o‘z zimmasiga oldi.
Mavzuga oid
22:40 / 21.10.2024
Afg‘oniston o‘zbekistonlik haydovchilardan undiriladigan yig‘imlar miqdorini kamaytirdi
19:24 / 21.10.2024
Usmon Toshev – Afg‘oniston milliy jamoasi bosh murabbiyi etib tayinlandi
12:00 / 21.10.2024
GFRda IShID tarafdori Isroil elchixonasiga hujum uyushtirishni rejalashtirgan
20:59 / 14.10.2024