«Inter»ga ketishi kutilayotgan Pepe boshqa jamoa bilan kelishuvga erishdi

«Real» himoyachisi Pepe faoliyatini Fransiya chempionatida davom ettiradi.

Marca xabariga ko‘ra, yaqin vaqt ichida portugaliyalik futbolchi «PSJ» bilan ikki yillik shartnoma imzolaydi. Pepe bu jamoaga erkin agent sifatida kelmoqda.

Parijliklar ushbu futbolchini «Inter» bilan raqobatda ustun kelib qo‘lga kiritgan, italiyaliklar jamoasi hali xitoylik investorlar bilan tegishli masalalarni hal qilib olmagani qo‘l kelgan.

Pepe «PSJ»ni Unai Emeri asosiy tarkibdan joy va'da qilgani uchun tanlagan.