BAA Qatarga pochta jo‘natmalari yuborishni to‘xtatdi

Foto: RIA "Novosti"

Birlashgan Arab Amirliklari (BAA) hukumati Qatarga pochta jo‘natmalari yuborishni to‘xtatib qo‘ydi. Bu haqda BAAning milliy pochta xizmati - Emirates Post Group saytida xabar qilingan.

"Emirates Post Group BAA hukumati topshirig‘iga ko‘ra, 2017 yilning 6 iyunidan boshlab Qatarga barcha turdagi pochtalarning yuborilishini to‘xtatdi", - deyiladi matbuot relizida.

5 iyun kuni Bahrayn, BAA, Saudiya Arabistoni, Misr, Yaman, Liviya muvaqqat hukumati, Maldiv Respublikasi va Mavrikiy Respublikasi Doha bilan diplomatik aloqalarni uzishgani haqida ma'lum qilishdi. Ularning fikricha, amirlik terrorizm va ekstremistik mafkurani qo‘llab-quvvatlaydi hamda arab davlatlariga nisbatan dushmanlik kayfiyatidagi siyosatni olib boradi. Keyinchalik ular safiga Mavritaniya va Komor qo‘shildi, Iordaniya va Jibuti esa diplomatik vakolatxonalari darajasini pasaytirishdi.

Tayyorlagan: Отабек Матназаров

#BAA #pochta #Qatar

Fors ko‘rfazida jiddiy siyosiy inqiroz yuzaga keldi. Saudiya Arabistoni, Misr, Bahrayn, BAA, Yaman, Liviya va Maldiv boshqa bir arab davlati Qatar bilan diplomatik aloqalarni uzdi. Bunga Qatar Eronni va terrorizmni qo‘llagani sabab sifatida ko‘rsatilmoqda.