Kreml NATO sabab tashvishda ekanini bildirdi

Kreml NATOning Rossiyaga chegaralariga qarab kengayishidan tashvishda, muvozanatni tiklash uchun choralar ko‘radi. Bu haqda Rossiya prezidenti matbuot kotibi Dmitriy Peskov ma'lum qildi.

«Moskva NATOning kengayishi bo‘yicha jarayonga an'anaviy ravishda ishonchsizlik va tashvish bilan munosabatda bo‘ladi. Bizning fikrcha, bu xavfsizligimizga va yevroosiyo mintaqasidagi kuchlar muvozanatiga tahdid soladi», - deya Peskovning so‘zlarini keltiradi TASS.

Uning qayd etishicha, Rossiya «vaziyatni qayta muvozanatga qaytarish va o‘z manfaati hamda xavfsizligini himoya qilish uchun barcha kerakli choralarni» ko‘rmoqda.