Kuvayt Qatarga yordam berishga tayyor

Foto: RIA "Novosti"

Qatarning Fors ko‘rfazi mamlakatlari bilan inqirozini diplomatik muzokaralar yo‘li bilan tartibga solish kerak. Kuvayt TIV rahbari Shayx Sabah Al-Xolid shunday bayonot bilan chiqdi. "Anadolu" shu haqida xabar berdi.

Sabahning so‘zlariga ko‘ra, Doha va qator arab mamlakatlari o‘rtasidagi tushunmovchilikni "muammolarni mintaqadan tashqariga olib chiqmagan holatda", diplomatik yo‘l bilan hal qilish kerak.

"Kuvayt yuzaga kelgan tushunmovchiliklar sabab, qatarlik birodarlarining barqarorligi va xavfsizligini ta'minlash uchun yordam berishga tayyor", - dedi Kuvayt TIV rahbari.

Uning so‘zlariga ko‘ra, Kuvayt mintaqadagi ziddiyatni bartaraf etish uchun barcha zarur choralarni ko‘radi.

Tayyorlagan Шуҳрат Раҳимов

#Kuvayt #yordam #Qatar #ziddiyat

Fors ko‘rfazida jiddiy siyosiy inqiroz yuzaga keldi. Saudiya Arabistoni, Misr, Bahrayn, BAA, Yaman, Liviya va Maldiv boshqa bir arab davlati Qatar bilan diplomatik aloqalarni uzdi. Bunga Qatar Eronni va terrorizmni qo‘llagani sabab sifatida ko‘rsatilmoqda.