Muxlislar Ronalduning qarzlaridan kechishni so‘rashmoqda

Futbol muxlislari Ispaniya prokuraturasidan «Real» hujumchisi Krishtianu Ronalduga nisbatan qo‘zg‘atilgan ishini yopishni so‘ramoqda.

Change.org saytida portugaliyalik futbolchining soliq idoralari oldidagi qarzini kechish so‘ralgan petitsiya paydo bo‘lgan.

Eslatib o‘tamiz, Krishtianu Ronaldu 2011-2014 yillar davomida jami 14,7 mln yevro miqdoridagi soliqni to‘lashdan bo‘yin tovlaganlikda ayblanmoqda. Shundan so‘ng, futbolchi Ispaniyadan butunlay ketish taraddudiga tushgan.