“Makron formulasi” Donbassdagi mojaroni hal qilishda yordam beradimi?

Ukraina prezidenti Pyotr Poroshenkoning ma'lum qilishicha, Fransiya prezidenti Emmanuel Makron bilan Donbassdagi mojaroni “normand shaklida” hal etish bo‘yicha loyiha tayyorlanadi. U “Makron formulasi” deb nom olishi mumkin.

"Bizning kelishuv shundan iboratki, biz “normand shakli”ning barcha ehtimoliy qarorlari loyihasini qog‘ozga tushiramiz, ular, ehtimol, “Makron formulasi” degan nom oladi. Biz bugun jamiyatga Ukraina sharqiga tinchlik olib kelish bo‘yicha rejani taqdim etishimiz mumkin", - dedi Poroshenko Parijda Fransiya prezidenti bilan uchrashuvdan so‘ng tashkil etilgan matbuot anjumanida.