Qatar tashqi ishlar vaziri Vashingtonga tashrif buyuradi 

Qatarning Vashingtondagi elchixonasi Qatar tashqi ishlar vaziri Muhammad bin Abdurahmon Ol Soniy joriy haftada Vashingtonga tashrif buyurishini tasdiqladi.

Avvalroq Fox News telekanali o‘z manbalariga iqtibos keltirgan holda, AQSh ma'muriyati Vashingtonda Qatar atrofidagi vaziyatni tartibga solish va ekstremizmga qarshi kurashni jadallashtirish maqsadida arab davlatlari yetakchilari sammitini o‘tkazish imkoniyatini ko‘rib chiqayotganini ma'lum qilgandi. 

Saudiya Arabistoni, BAA, Bahrayn va Misr 5 iyunda Qatarni terrorchilikni qo‘llab-quvvatlash va arab davlatlari ichki ishlariga aralashishda ayblab, Doha bilan diplomatik aloqalarni uzgandi.