BRIKS davlatlari yetakchilari G20’da norasmiy uchrashuv o‘tkazadilar

BRIKS davlatlari yetakchilari Gamburgda 7-8 iyul kunlari bo‘lib o‘tadigan G20 sammiti doirasida norasmiy uchrashuv o‘tkazadilar. Bu haqda Xitoy tashqi ishlar vaziri o‘rinbosari Li Baodun ma'lum qildi, deb xabar bermoqda RIA “Novosti” axborot agentligi. 

"An'anaga aylangan tajribaga ko‘ra Gamburgdagi G20 sammiti oldidan BRIKS davlatlari yetakchilari norasmiy uchrashuv o‘tkazadilar", deb aytdi Baodun.

Uning aytishicha, uchrashuv Xitoy yetakchisi Si Tszinpin raisligida bo‘lib o‘tadi.

Joriy yilda Xitoy BRIKSda raislik qiluvchi davlat hisoblanadi, bu tashkilot yetakchilarining navbatdagi sammiti Syamen shahrida sentabrda bo‘lib o‘tadi.