Arab davlatlari Qatarga yana 48 soat vaqt berishdi

Saudiya Arabistoni, BAA, Bahrayn va Misr Kuvaytning Qatarga ularning talablari bo‘yicha o‘z javobini berish muhlatini yana 48 soatga uzaytirish taklifiga rozi bo‘lishdi. Bu haqda Al Arabiya telekanali xabar bermoqda. 

Avvalroq ma'lum qilingandek, Qatar Kuvaytga arab davlatlari talablari bo‘yicha o‘z qarorini 3 iyulda ma'lum qilmoqchi bo‘lgan, vaholanki javob berishning yakuniy muddati sifatida 2 iyul aytilgandi. 

Ma'lum bo‘lishicha, 4 arab davlati tashqi ishlar vazirlari 5 iyulda Misrda vujudga kelgan vaziyatni muhokama qilishadi.   

4 arab davlati yuzaga kelgan inqirozni hal qilish maqsadida Qatarga 13 ta shartdan iborat ro‘yxatni jo‘natgan. Kuvayt muzokaralarda vositachilik qilmoqda. Biroq Qatar hukumati taqdim qilingan shartlarni "nomaqbul" deb atab, ularni rad etgan.