Yangi mojaro: Ronaldu endi irqchilikda ayblandi

Portugaliya terma jamoasi va «Real» hujumchisi Krishtianu Ronaldu «Instagram» sahifasiga joylashtirgan rasmi sabab, irqchilikda ayblandi.

Gap shundaki, Ronaldu ijtimoiy tarmoqqa do‘sti, futbolchi Joze Semedu bilan basseynda cho‘milayotgan rasmni qo‘ygan. Unda «Ideal tasodif: qora va oq shokolad» deb yozib qo‘yilgandi. surat Britaniyaning ommaviy nashrlaridan biri Daily Mail‘da e'lon qilingach, unga keskin munosabatlar bildirila boshlangan. Aksar foydalanuvchilar uni irqchilikda ayblagan va ijtimoiy tarmoqdagi sahifasida ham katta «shovqin» ko‘tarishgan.

Joze Semedu — Ronalduning eski do‘stlaridan biri sanaladi. Ular o‘z vaqtida «Sporting» akademiyasida to‘p surib yurgan paytlaridanoq tanish sanalishadi. Hozirgi vaqtda 32 yoshli «Sheffild Uensdey» o‘tkazgan olti mavsumidan so‘ng klubsiz qolgan.