Volkswagen butun dunyo bo‘ylab 700 mingdan ko‘proq avtomobilini qaytarib olmoqda

Volkswagen avtomobilsozlik konserni tormozdagi muammolar sababli butun dunyo bo‘ylab 766 ming avtomobilini qaytarib olmoqda. Kompaniya bayonotiga ko‘ra, mashinalarda keskin tormoz berish vaqtida tormoz tizimi ishlamay qolishi xavfi bor.  

Bu muammo kompaniyaning o‘z sinovlari vaqtida aniqlangan. Germaniyada VW, Skoda va Audi markalarining 385 ming avtomobili qaytarib olinadi, bundan 288 mingtasi Volkswagen brendiga tegishli. Ortga qaytarib olingan modellarda tormoz nazorati tizimi ABS/ESP uchun dastur yangilanadi.