Moskvada yana momaqaldiroq, do‘l va kuchli yomg‘ir kutilmoqda

Moskvada yaqin soatlar ichida yana momaqaldiroq, do‘l va kuchli yomg‘ir yog‘ishi kutilmoqda. Bu haqda Rossiya FVVning shahar bo‘yicha bosh boshqarmasi xabar berdi.

«Moskvada yaqin soatlar ichida, 12 iyul kuni kunduzi va kechqurun, 13 iyul kuni kechasi va ertalab kuchli yomg‘ir, momaqaldiroq, do‘l kuzatiladi. Shamol soniyasiga 15-20 metr tezlikda esadi», - deyiladi xabarda.

Ta'kidlanishicha, transport harakati murakkablashishi, elektr uzatish liniyalarida uzilishlar bo‘lishi, daraxtlar va reklama to‘siqlari qulashi mumkin.

Qutqaruvchilar noqulay ob-havo paytida binolar ichida, ko‘chada esa daraxtlardan uzoqroqda bo‘lishni tavsiya etishgan.