O‘zbekistonda zararli termitlarga qarshi tadbirlar o‘tkazilmoqda

Bugungi kunda O‘zbekiston bo‘ylab Favqulodda vaziyatlar vazirligi tomonidan joylarda zararli termitlarga qarshi kurashish va zararini kamaytirish bo‘yicha bir qator chora-tadbirlar amalga oshirilmoqda.

Xususan, 2017 yilning 14-21 iyul kunlari Qoraqalpog‘iston Respublikasi, Qashqadaryo, Surxondaryo, Samarqand, Navoiy va Xorazm viloyatlarida mutasaddi xizmatlar hamkorligida aholi xonadonlarining termit bilan zararlanganlik holatini o‘rganish, zararlangan xonadonlarga zaharli yem-xo‘raklar o‘rnatish, ijtimoiy-iqtisodiy, tarixiy va madaniy me'ros obektlarida termit tarqalishining oldini olish hamda zararini kamaytirish bo‘yicha chora-tadbirlar amalga oshirildi.

Ushbu tadbirlar mobaynida 589 ta aholi xonadonlari va 58 ta iqtisodiy-ijtimoiy, 11 ta madaniy va tarixiy obektlarda kimyoviy ishlov berish ishlari olib borilib, 1257 ta zaharli yem-xo‘raklar o‘rnatildi, 11 430 m2 termit tarqalgan dala va maydonlarda zararsizlantirish ishlari amalga oshirildi.