NNTning o‘tkazilishi rejalashtirilayotgan tadbirlari haqida xabardor qilish tartibi o‘zgaradi

Hujjatda qayd etilishicha, aksariyat nodavlat notijorat tashkilotlari vakillari onlayn muloqotni ajralmas va muvaffaqiyatli hamkorlikning eng muhim komponentlaridan biri deb hisoblaydi. Shuning uchun pandemiya tugagandan so‘ng ham NNT tomonidan o‘tkaziladigan onlayn tadbirlar ulushi oshib boryapti.

Onlayn-konferensiyalar, treninglar, seminarlar o‘tkazish bo‘yicha turli tajribalar, ishtirokchilar va tashkilotchilar fikriga ko‘ra, muvaffaqiyatli amalga oshirilmoqda, onlayn rejimda odatiy shaklda o‘tkaziladigan tadbirlarga nisbatan ko‘proq ishtirokchilarni jalb etish, tadbir o‘tkazish xarajatlarini sezilarli darajada kamaytirish imkoniyati mavjud.

Buyruq loyihasi bilan adliya vaziri buyrug‘i bilan tasdiqlangan nodavlat notijorat tashkilotlarining o‘tkazilishi rejalashtirilayotgan tadbirlari haqida xabardor qilish tartibi to‘g‘risidagi nizom ilovasi 5-pozitsiyasini onlayn shaklda o‘tkazilishi rejalashtirilgan tadbirlar haqida xabarnoma to‘ldirilganda, ro‘yxatdan o‘tkazuvchi organga tadbirlarda onlayn ishtirok etish imkonini beruvchi ma’lumotlar taqdim etishni nazarda tutuvchi norma bilan to‘ldirish taklif etilmoqda.