Fransiyada siyosatchilarga yaqinlarini ishga olish taqiqlab qo‘yildi

Fransiyada sobiq bosh vazir Fransua Fiyon va uning rafiqasi ishtirokidagi mojarodan keyin siyosatchilarga farzandlari va turmush o‘rtoqlarini yordamchilar sifatida yollash taqiqlab qo‘yildi. Bu haqda Reuters axborot agentligi xabar bermoqda.   

Ta'kidlanishicha, yangi qonun vazir va parlament deputatlariga tegishli bo‘ladi.

Ayni vaqtda Fransiya parlamenti a'zolarining 6 nafaridan biri haq oluvchi yordamchi sifatida oila a'zosiga ega.

Fiyon rafiqasi Penelopa uzoq vaqt davomida uning yordamchisi bo‘lgani va parlament jamg‘armalaridan noqonuniy ravishda haq olib yurgani haqidagi maqolalar chop etilgandan keyin mojaro markazida qolgan. Keyinroq Fiyon OAVni tuhmat qilishda ayblagan.