Hindistondagi basketbol bo‘yicha mashg‘ulot Ginnessning rekordlar kitobiga kiritildi

Amerika milliy basketbol assotsiatsiyasining «Golden Steyt Uorriorz» jamoasi forvardi Kevin Dyurant Hindistondagi ommaviy mashg‘ulotda ishtirok etdi.

Ushbu mashg‘ulot Ginness rekordlar kitobiga basketbol tarixidagi eng ommaviysi sifatida kirdi. Bu haqda liga matbuot xizmati xabar bermoqda.

Mashg‘ulot Hindistonning Nyu-Dehli shahrida o‘tkazilib, unda 3459 kishi ishtirok etdi.

Avvalroq tish cho‘tkasida basketbol to‘pini aylantirish bo‘yicha jahon rekordi yangilangani xabar qilingandi.