Ҳиндистондаги баскетбол бўйича машғулот Гиннесснинг рекордлар китобига киритилди

Америка миллий баскетбол ассоциациясининг «Голден Стэйт Уорриорз» жамоаси форварди Кевин Дюрант Ҳиндистондаги оммавий машғулотда иштирок этди.

Ушбу машғулот Гиннесс рекордлар китобига баскетбол тарихидаги энг оммавийси сифатида кирди. Бу ҳақда лига матбуот хизмати хабар бермоқда.

Машғулот Ҳиндистоннинг Нью-Деҳли шаҳрида ўтказилиб, унда 3459 киши иштирок этди.

Аввалроқ тиш чўткасида баскетбол тўпини айлантириш бўйича жаҳон рекорди янгилангани хабар қилинганди.