Venesuelada Ispaniya elchixonasiga hujum uyushtirildi

Venesuela bosh prokuraturasining xabar berishicha, Karakasdagi Ispaniya elchixonasiga noma'lum shaxslar hujum uyushtirgan.

«Bosh prokuratura Ispaniyaning Karakasdagi elchixonasiga hujum holati bo‘yicha surishtiruv o‘tkazmoqda», - deyiladi prokuraturaning tvitterdagi xabarida.

Dastlabki ma'lumotlarga ko‘ra, ikki noma'lum shaxs Ispaniya elchixonasiga mototsiklda kelib, binoga yonuvchi aralashmaga ega bir necha shisha idishlarni uloqtirishgan.

Ayni damda halok bo‘lganlar va jabrlanganlar haqida ma'lumot yo‘q.

Avvalroq Venesuela TIV rahbari yozning o‘zida ikkinchi marta o‘zgargani xabar berilgandi.