AQSh Putin Abxaziyaga tashrif buyurganidan g‘azabda

AQSh Davlat departamentidan ma'lum qilishlaricha, Rossiya prezidenti Vladimir Putinning Abxaziyaga tashrifini “nomaqbul” deb hisoblaydilar. Bu haqda Reuters xabar bermoqda.

Davlat departamenti vakili Hizer Nauert esa Moskvani “Gruziya hududiy yaxlitligi va suverenitetini hurmat qilishga” chaqirdi.

8 avgust kuni Vladimir Putin Abxaziyaga amaliy tashrif bilan keldi.

NATOdagilar esa Rossiya prezidenti Abxaziyaga Gruziya hukumati bilan kelishmasdan turib tashrif buyurganidan afsusda ekanliklarini bildirishdi.

Avvalroq Abxaziyada rossiyalik sayyohlarga hujum qilinib, bir kishi halok bo‘lgani xabar berilgandi.