Fransiya prezidenti KXDR bo‘yicha bayonot bilan chiqdi

Fransiya prezidenti Emmanuel Makron Shimoliy Koreya mojarosini yanada keskin tus oldirmaslikka chaqirdi.

«Respublika prezidenti barcha ittifoqchilar va Fransiyaning mintaqadagi sheriklarini, ular bilan birdamligiga ishontiradi. Bundan tashqari, u barchani mas'uliyat ko‘rsatish va keskinlikni yanada oshiruvchi harakatlardan qochishga chaqiradi», - deyiladi Yelisey saroyi saytidagi xabarda.

Shuningdek, Makron «Shimoliy Koreya tomonidan yadro va raketa tahdidi yomonlashganidan tashvishda ekanini» ham bildirdi.

Avvalroq Ilon Mask KXDRdan ham xavfliroq tahdid haqida ma'lum qilgandi.