Braziliyada bir kun ichida ikkinchi kema cho‘kib ketdi

Braziliya shimoli-sharqida yo‘lovchi kemasining falokatga uchrashi oqibatida 3 kishi halok bo‘ldi. Hammasi bo‘lib kema bortida 130 kishi bo‘lgan. 21 kishi qutqarib qolingan, qolganlar qidirilmoqda.

Kema mahalliy vaqt bilan soat 6:30da, yo‘lga tushgandan yarim soat o‘tib Todus-us-Santros bo‘g‘ozida cho‘kib ketgan.

Bundan avvalroq Braziliya shimolida yo‘lovchi paromi kuchli shtorm vaqtida Shingu daryosida cho‘kib ketgandi. Kema bortida bo‘lgan 70 kishidan 25 nafarigina qutqarib qolingan.