Qatar Rossiya bilan harbiy-texnik hamkorlik to‘g‘risida bitim tuzishi mumkin

Foto: Reuters

Rossiya yaqin vaqt ichida Qatar bilan harbiy-texnik hamkorlik to‘g‘risida kelishuvni imzolash niyatida. Bu haqda RFning Qatardagi elchisi Nurmuhammad Xolov xabar berdi.

«O‘tgan yili Rossiya va Qatar o‘rtasida harbiy hamkorlik to‘g‘risida shartnoma imzolangandi va harbiy-texnik hamkorlik bo‘yicha kelishuvni imzolashga tayyorgarlik ishlari boshlandi», - deya diplomatning so‘zlarini keltiradi RIA Novosti.

Uning umid qilishicha, «harbiy-texnik hamkorlik bo‘yicha kelishuv ham yaqin vaqt ichida imzolanadi».

Avvalroq Qatar Rossiya qurollarini sinovdan o‘tkazayotgani xabar berilgandi.