Italiyaning Iskiya orolida favqulodda holat e'lon qilindi

Italiya vazirlar kengashi mamlakat bosh vaziri Paolo Jyentilonining taklifiga ko‘ra Iskiya orolida favqulodda holatni e'lon qildi. Bu 21 avgust kuni yuz bergan zilzila oqibatlari tufayli ro‘y bergan.

TGcom24’ning xabar berishicha, favqulodda holat rejimi tabiiy ofatdan eng ko‘p zarar ko‘rgan tumanlar - Kasamichchola-Terma, Forio va Lakko-Amenoda e'lon qilingan.

Italiya hukumati zilzila oqibatlarini bartaraf etish bo‘yicha tezkor ishlarni amalga oshirish uchun milliy favqulodda vaziyatlar bo‘yicha Jamg‘armadan 7 mln yevro ajratdi.

Avvalroq zilzila sabab Neapol sohillaridagi yer sathi to‘rt santimetrga pasaygani xabar berildi.