O‘zbekistonlik ziyoratchilar haj arkonlarini bajarishga kirishishdi

30 avgust kuni o‘zbekistonlik hojilar "al-Hidoya" mehmonxonasida oppoq ehromlarga kirgan holda haj amallarini bajarishga kirishishdi. Bu haqda Makka shahri, Mino vodiysidan “Ziyo” studiyasi xodimi Zafar Xayrullayev xabar bermoqda.  

O‘zbekistondan tashrif buyurgan ziyoratchilar mehmonxonadan tashkiliy ravishda Mino vodiysiga yetib kelishgan. Ular 30 avgust, Zulhijja oyining sakkizinchi kuni ushbu vodiyda duo, zikr va tasbehlar bilan mashg‘ul bo‘lishadi. 

Eslatib o‘tamiz, o‘zbekistonlik hojilar Zulhijja oyining to‘qqizinchi kuni, ya'ni 31 avgust kuni bomdod namozidan so‘ng tashkiliy ravishda duolar qabul bo‘ladigan maskan  - Arafot manzili tomon yo‘l olishadi.