Armanistonda noma'lum shaxs parlamentda bomba borligini ma'lum qildi

Armanistonda 2 sentabr kuni ertalab noma'lum shaxs mamlakat Milliy yig‘ilishi binosida bomba bor ekani haqida xabar berdi. Bu haqda Armaniston FVV ma'lum qildi, deb xabar tarqatdi RIA «Novosti».

«Ikkinchi sentabr kuni soat taxminan 6:56da (Toshkent vaqti bilan 7:56) Milliy yig‘ilish (parlament) binosida bomba bor ekani haqida xabar kelib tushdi», - deya xabar qilishgan qutqaruv xizmatidan.

Xabar kelib tushgach voqea joyiga qutqaruvchilar va alohida topshiriqlar bo‘yicha qutqaruv ishlarini olib borish bo‘yicha otryad yetib borgan.

Shuningdek, u yerda FVV fuqarolik mudofaasi markazi kuchlari muhandislik otryadi qo‘mondoni ham bor ekani aytilmoqda.