Hindistonlik ayollar 2,5 metrli pitonni tutib olishdi
Rajaston shtatidagi Udaypur shahri chekkasida joylashgan qishloqda yashovchi ayollar 2,5 metrli pitonni tutib olib, ikki soat davomida uni qo‘riqlashdi. Hindustan Times shu haqida xabar berdi.
Ayollardan biri oilaviy dalada ishlayotib, sudralib yuruvchini payqab qoladi. Uning qichqirgan ovoziga boshqa qishloqdoshlari yetib kelishdi. Yig‘ilganlar ilonning boshqa dalaga o‘tib ketmasligi uchun uni har tarafdan o‘rab olishga qaror qilishdi. Bundan tashqari, ular ilonga hech kim tosh otmasligi va zarar yetkazmasligini nazorat qilishdi.
Kamida yetti ayol ikki soat davomida ilonning atrofida turdi, so‘ngra ayollardan birining qarindoshi kelib, Udaypurdan yovvoyi hayvonlar bilan ishlovchi mutaxassisni chaqirib keldi. Yetib kelgan mutaxassis bu yo‘lbars-piton ekanini aytdi. Ilonning zaharli emasligini bilgach, ayollar uni ushlab, suratga tushishdi.
Yo‘lbars-pitonlar Janubiy va Janubi-Sharqiy Osiyoda keng tarqalgan. Ular uzunasiga 4 metrgacha o‘sib, kichik tuyoqlilar, kemiruvchilar, maymunlar va qushlar bilan oziqlanadi. Yiriklari odamlarga hujum qilishi ham mumkin.
Mavzuga oid
14:47 / 14.10.2024
Hindistonda to‘y mavsumi iqtisodiyotga 70 mlrd dollar keltiradi
23:55 / 12.10.2024
Hindiston Rossiyaga taqiqlangan texnologiyalarni yetkazib bermoqda - Bloomberg
15:43 / 09.10.2024
Hindistonda to‘rt ming yillik aravalar topildi
20:45 / 08.10.2024