Tramp uch mintaqada «Irma» tufayli favqulodda holat rejimini joriy qildi

Foto: Reuters

AQSh prezidenti Donald Tramp Qo‘shma Shtatlar bilan assotsiatsiya orqali bog‘langan Puerto-Riko, Florida va Virgin orollarida favqulodda holat rejimini joriy qildi. Bu haqda RIA «Novosti» Oq uy bayonotiga asosan xabar bermoqda.

«Favqulodda holatlar bo‘yicha federal agentlikka favqulodda vaziyat oqibatlarini yengillashtirish uchun zarur bo‘lgan uskunalar va resurslarni aniqlash, jalb etish hamda taqdim qilish vakolati berilgan», - deyiladi bayonotda.

Avvalroq Floridada «Irma» tufayli milliy gvardiya safarbar qilingani xabar berilgandi.