Toshkent shahrida bedarak yo‘qolgan shaxs topildi

Toshkent shahar Olmazor tuman IIB profilaktika inspektorlari sohaviy xizmat xodimlari bilan birgalikda olib borilgan sa'y-harakatlar natijasida bedarak yo‘qolgan shaxs topildi. Bu haqda IIV Huquqbuzarliklar profilaktikasi bosh boshqarmasi xabar berdi.

Ma'lum bo‘lishicha, 5 sentabr kuni soat 02:10 da Olmazor tumani IIBga tushgan xabarga ko‘ra, 1939 y.t., Qoraqamish 1/4 dahasi 20-uyda yashovchi M.S. 3 sentabr kuni soat 12:00 da, o‘z uyidan noma'lum tomonga chiqib ketib, bedarak yo‘qolgan edi. 

Olib borilgan qidiruv ishlari natijasida, fuqaro M.S. Olmazor tumani hududida aniqlandi va uyiga qaytarildi.