Astronomlar Quyoshda yana bir kuchli portlashni qayd etishdi

Fazoni o‘rganuvchi olimlar Quyoshda yana bir kuchli portlashni qayd etishdi, deb xabar qilmoqda NASA sayti.

Aniqlik kiritilishicha, portlash quvvati M8.1 ni tashkil etgan.

Ma'lumki, 6 sentabr kuni ham ikkita kuchli portlash ro‘y bergani haqida xabar berilgan edi. Uning ikkinchisi so‘nggi 12 yildagi eng kuchlisi bo‘lgani ta'kidlangandi.

O‘sha kungi hodisa Yerning kunduz bo‘ladigan qismida radioaloqa va GPS signallarini qabul qilishda bir soatlar mobaynida muammolar paydo bo‘lishiga sabab bo‘lgandi. 

Quyoshdagi portlashlar — yulduz yuzasidagi eng dahshatli hodisalar bo‘lib, Quyosh plazmasiga joylangan magnit kuch liniyalarining o‘zaro qisqa tutashuvidan so‘ng ro‘y beradi.