Meksikadagi zilzila oqibatida halok bo‘lganlar soni 290 nafardan oshdi

Meksikadagi zilzila oqibatida halok bo‘lganlar soni 293 nafargacha yetdi. Bu haqda Mexiko meri 22 sentabrda jurnalistlarga ma'lum qildi. Uning aytishicha, Mexikoda vayronalar ostidan yana 5 nafar jasad topilgandan keyin bu yerda halok bo‘lganlar soni 153 nafarga yetgan. Halok bo‘lganlar orasida 99 ayol, 54 erkak va 26 bola bor.  

22 sentabrgacha poytaxt Mexikoda vayronalar ostidan 69 kishini tirik chiqarib olishga muvaffaq bo‘lingan, 48 kishi gospitallarda qolmoqda, ulardan 4 nafarining ahvoli og‘ir deya ta'kidlanmoqda. 

Meksika janubida 19 sentabrda yuz bergan 7,1 magnitudali zilzila Mexikogacha yetib borib, u yerda 44 ta uyning vayron bo‘lishiga sabab bo‘lgandi.