Video: Maktab yetakchilari uchun zamonaviy xonalar ajratiladi

O‘zbekiston Respublikasi Xalq ta'limi vazirining eng yosh o‘rinbosari Alisher Sa'dullayev Respublika namunali maktablarida tashkil etilgan yoshlar yetakchilarining xonasi qanday ko‘rinishda bo‘lishini namoyish etdi.

Vazir o‘rinbosarining aytishicha, xonaning kengligi 9x6 m kenglikda bo‘lib, unda yetakchi uchun ish stoli, multi-shaklga o‘zgaruvchi o‘quvchi partalari, zamonaviy taqdimotlarni o‘tkazish uchun proyektor mavjud. Shuningdek, xonada ilmiy va badiiy kitoblar javoni ham tashkil etilgan.

Alisher Sa'dullayevning xabariga ko‘ra, ayni paytda Respublikaning 14ta namunali maktabida ana shunday xonalarni foydalanishga topshirish rejalashtirilgan. Kun.uz xabar berganidek, Toshkentdagi Xalqaro Vestminster universitetida malaka oshirgan maktab yetakchilari ilk zamonaviy xonalarda ish boshlaydi.