Angliya klubi rekord miqdorda jarima to‘laydi

Angliyaning «Kuinz Park Reyndjers» klubi futbol tarixidagi rekord jarimani to‘laydi, uning miqdori 40 mln. funt sterlingga teng. Jamoa bu jarimaga moliyaviy feyr-pley qoidalarini buzgani uchun tortildi, deb xabar bermoqda The Telegraph. Londonliklar ruxsat etilgan puldan ko‘proq mablag‘ sarflashda ayblanmoqda.

«KPR» 2013/14-yilgi mavsum yakunlari bo‘yicha juda katta qarzdorlikka uchradi, klub rahbariyati esa kreditlar bo‘yicha 60 mln. funt qarzni yashirishga qaror qildi. Jamoa aynan shu qoidabuzarlik uchun jarima to‘lashga majbur.

«KPR» ijrochi direktori Li Xoosning xabar berishicha, klub bu qaror bo‘yicha apellyatsiya beradi.