Indoneziyadagi fojia: qurbonlar soni 50 nafarga yaqinlashdi

Indoneziyaning Tangerang shahrida joylashgan mushaklar fabrikasida payshanba kuni yuz bergan yong‘in hamda uning ketidan sodir bo‘lgan portlashlar oqibatida kamida 46 kishi halok bo‘ldi. Bu haqda AFP agentligi xabar bermoqda.

Jabrlanganlarning aniq soni hozircha ochiqlanmadi. Bunga qadar 27 kishi qurbon bo‘lgani va 35 inson jabrlangani ma'lum qilingandi.

CBS telekanalining xabar berishicha, zavodda yong‘in boshlanganidan so‘ng portlash yuz bergan. Telekanalning aniqlik kiritishicha, olov bir necha portlashga sabab bo‘lgan. CBS ma'lumotlariga ko‘ra, fabrika joylashgan bino hodisa oqibatida qisman qulagan.

Voqeaga aynan nima sabab bo‘lgani haqida ma'lumot yo‘q.