Индонезиядаги фожиа: қурбонлар сони 50 нафарга яқинлашди

Фото: CNN

Индонезиянинг Тангеранг шаҳрида жойлашган мушаклар фабрикасида пайшанба куни юз берган ёнғин ҳамда унинг кетидан содир бўлган портлашлар оқибатида камида 46 киши ҳалок бўлди. Бу ҳақда AFP агентлиги хабар бермоқда.

Жабрланганларнинг аниқ сони ҳозирча очиқланмади. Бунга қадар 27 киши қурбон бўлгани ва 35 инсон жабрлангани маълум қилинганди.

CBS телеканалининг хабар беришича, заводда ёнғин бошланганидан сўнг портлаш юз берган. Телеканалнинг аниқлик киритишича, олов бир неча портлашга сабаб бўлган. CBS маълумотларига кўра, фабрика жойлашган бино ҳодиса оқибатида қисман қулаган.

Воқеага айнан нима сабаб бўлгани ҳақида маълумот йўқ.